सांग जरा रे रानफूला
सांग मला रे रानफूला
रिंगण घालून असतो काटा
समोर दगडी निर्जन वाटा
कुणी ना बघते जाता येता
रूप तुझे रे असेच वाया...
ना चरणी देवाच्या चढतो
ना शृंगारी बहर फुलवतो
ना शब्दांमध्ये तू दडतो
ना अंती देहावर पडतो...
कसे हे जीवन व्यर्थ तुझे रे
ना झुरतो ना रुसतो तू !
हर्ष ना दुःख सवंगड्याचे
कसा असा जगतोस तू !
तुला न उष्मा तुला न थंडी
रेती-माती - समान प्रीति..
कसे तुझे हे राशी चक्र
ना जोरावर ना कुणी वक्र !
तरी बहरतोस, सजीव सजतोस
स्वतः मध्येच मदहोश तू !
कसा रे रमतोस, सदाच हसतोस
खुळा की शहाणा कोण तू ?
सांग जरा रे रानफूला
सांग मला रे रानफूला...
ये बस इकडे, ऐक निमिष- भर
सार तुझे तू समजून घे
गहन असे तर काहीच नाही
बैराग्याचे जीवन हे !
नको प्रशंसा, घृणा नको ती
दुसऱ्यावर ना निरभर मी
माझे जगणे, माझे हसणे
प्रेमात निरंतर माझ्या मी...
परक्याने का मोल करावे
त्यावर माझे भाव ठरावे!
मंजूर कधी हे केले नाही
म्हणून कधी मी रडलो नाही
जीवन माझे जगून बघ तू
विलीन ' त्याच्यात' होवून बघ तू
तो परमेश्वर, बाकी नश्वर - मग
खुळा की शहाणा , कुठे ग अंतर !
सांग मला रे रानफूला
रिंगण घालून असतो काटा
समोर दगडी निर्जन वाटा
कुणी ना बघते जाता येता
रूप तुझे रे असेच वाया...
ना चरणी देवाच्या चढतो
ना शृंगारी बहर फुलवतो
ना शब्दांमध्ये तू दडतो
ना अंती देहावर पडतो...
कसे हे जीवन व्यर्थ तुझे रे
ना झुरतो ना रुसतो तू !
हर्ष ना दुःख सवंगड्याचे
कसा असा जगतोस तू !
तुला न उष्मा तुला न थंडी
रेती-माती - समान प्रीति..
कसे तुझे हे राशी चक्र
ना जोरावर ना कुणी वक्र !
तरी बहरतोस, सजीव सजतोस
स्वतः मध्येच मदहोश तू !
कसा रे रमतोस, सदाच हसतोस
खुळा की शहाणा कोण तू ?
सांग जरा रे रानफूला
सांग मला रे रानफूला...
ये बस इकडे, ऐक निमिष- भर
सार तुझे तू समजून घे
गहन असे तर काहीच नाही
बैराग्याचे जीवन हे !
नको प्रशंसा, घृणा नको ती
दुसऱ्यावर ना निरभर मी
माझे जगणे, माझे हसणे
प्रेमात निरंतर माझ्या मी...
परक्याने का मोल करावे
त्यावर माझे भाव ठरावे!
मंजूर कधी हे केले नाही
म्हणून कधी मी रडलो नाही
जीवन माझे जगून बघ तू
विलीन ' त्याच्यात' होवून बघ तू
तो परमेश्वर, बाकी नश्वर - मग
खुळा की शहाणा , कुठे ग अंतर !
