A tribute to the victims of the London and Manchester attacks - May 2017

For those of you
who went before your time...
Fell for no fault
no reason nor rhyme
Our hearts beat and bleed for you..
For you and for those who loved you too.....

Go and wait in a peaceful land
We shall follow but first
we have a mission on hand...
We will teach our children to love not hate
But we'll stand up to violence
tall and straight.

Maitrin

सहज ओळख करून देताना म्हणालास ,

"ही माझी मैत्रीण" 

निनादला तो शब्द कानात -

पण त्याचा अर्थ समजावून सांगशील ? 

मैत्रीण  - ही ओळखच किती गोड आहे  

नुसत्या नावामध्ये सुद्धा एक अनामिकशी ओढ आहे         

न बोलताच कळण्याची ,अबोलशी जाण आहे   

हलकंसं हसली जरी - संवाद परिपुर्ण आहे !

मनातलं सारं उमगावं , तिच्या डोळ्यातच तो ठाव आहे 

स्वप्नामध्ये वसलेलं असं दोघांचंच एक गाव आहे 

साऱ्या नात्यांहून सोवळा - तिचा आगळाच एक मान आहे 

न मागता दिलेला निरागस अधिकार आहे 

ती नसली जरी भवती तरी सुंदरसा भास आहे 

मनामध्ये रुजलेली कृष्णेचीच आस आहे 

ओळखीच्या गर्दीत ती एकटीच उभी छान आहे 

मन मोकळं वागावं - मी तिच्या सवे लहान आहे !

अंग अंग भिजले तरी उरलेली तहान आहे 

पूर्णत्व नकोच,तिची त्याच्यातच खरी बात आहे..... 

Jara tu thamb na re

A soldier's wife laments...

एक वीरगति, काही अपूर्ण क्षण. ...

जरा तू थांब ना रे
मन अधीर अजून माझे 

फुलात चालताना
दव कोवळे मनाचे
मनाशी बोलताना
ओले अजून भासे 

आता कुठे बहरली
सायली मांडवात
कळी कळी बहरता
गंधात रात्र जागे 

स्वप्नांच्या अंगणात
उल्केने हळूच यावे
ओंजळीत जाता जाता
एक स्वप्नं सोडून जावे 

गाण्याच्या मैफलीत
मल्हार मधेच मिसळावा
सुरात तुझ्या नि माझ्या
तल्लीन होवून जावा 

पान्हा मुक्या ऊरीत
फुटण्यास वाट शोधे
पंखात पाखरांच्या
बळ थोडे अजून यावे 

जरा तू थांब ना रे
मन अधीर अजून माझे.....