सखा - ही ओळखच किती गोड आहे
नुसत्या नावामध्ये सुद्धा एक अनामिकशी ओढ आहे
नुसत्या नावामध्ये सुद्धा एक अनामिकशी ओढ आहे
न बोलताच कळण्याची ,अबोलशी जाण आहे
हलकंसं हसला जरी - संवाद परिपुर्ण आहे !
हलकंसं हसला जरी - संवाद परिपुर्ण आहे !
मनातलं सारं उमगावं , त्याच्या डोळ्यातच तो ठाव आहे
स्वप्नामध्ये वसलेलं असं दोघांचंच एक गाव आहे
स्वप्नामध्ये वसलेलं असं दोघांचंच एक गाव आहे
साऱ्या नात्यांहून सोवळा - त्याचा आगळाच एक मान आहे
न मागता दिलेला निरागस अधिकार आहे
न मागता दिलेला निरागस अधिकार आहे
तो नसला जरी भवती तरी सुंदरसा भास आहे
मनामध्ये रुजलेला श्रीरंग तोच आहे
मनामध्ये रुजलेला श्रीरंग तोच आहे
ओळखीच्या गर्दीत तो एकटाच उभा छान आहे
मन मोकळं वागावं - मी त्याच्या सवे लहान आहे !
मन मोकळं वागावं - मी त्याच्या सवे लहान आहे !
अंग अंग भिजले तरी उरलेली तहान आहे
पूर्णत्व नकोचरे.....हा प्रवासच फार गोड आहे
पूर्णत्व नकोचरे.....हा प्रवासच फार गोड आहे
No comments:
Post a Comment