Farewell dear Altaf

 आकाशात का उगा हा

चंद्र एकटा पडला

त्याच्याच खळ्यात हळू मग

तॊ नकळत विरघळत गेला

ना तारका भावल्या त्याला

रवी किरणात होरपळून गेला

गडद निळ्या आसमंती

रंग स्वतःचा हरवून बसला

दोष कुणाला द्यावा ?

का दैवाचा खेळ असावा ?

ढग सारून समोर न येता

तो गुदमरत गुरफटत गेला

पृथ्वी वरचा मी मानव

हा खेळ पाहून गहिवरलो

ओवाळून बंधनात तयाला

मी बांधाया परी धडपडलो

ते प्रेम अपुरे पडले

तो एकलाच चालत गेला

अवसेचे निमीत्त साधून

अनंतात हरवून गेला ....

Farewell dear Altaf.